حل مشكلة الLESEN في امتحان B1

حل مشكلة الLESEN في امتحان B1




    حل مشكلة ال lesen لامتحان B1
    الشباب والصبايا عبقولوا انهم عبضيعوا بفحص ال Lesen تبع الاعلانات.
     الموضوع مو كتير معقد بس لازم تنتبه على التالي:

    1. الكلام بالسؤال مارح ينعاد حرفيا بالاعلان
    2. رح ينعاد بصياغة مختلفة
    3. انتبه على السؤال الكلمات المفصلية المهمة و دور على شي يشبهها بالاعلان
    4. تعلم الاختصارات و خصوصا الاجارات و البيوت
    5. اقرا الاعلان للآخر لان احيانا آخر كلمة بتغير كل الاعلان
    6. اول شي بتعمله بتدور على نوع الشركة المطلوبة
    (مطعم، فندق، شركة سفريات، مدرسة الخ) و بعدين بتدور على باقي الاشياء حسب السؤال.

    مثلا:
    السؤال
    Sie möchten mit Freunden in einem Restaurant essen. Da das Wetter schön ist, möchten
    Sie gerne draußen sitzen.

    لازم تختار احد الاعلانات بالصورة.
    شو بدهون بالسؤال؟
    1. بدي اكل مع رفقاتي
    2. بمطعم (مو بار و لا كافيه ولا نادي)
    3. الجو حلو
    4. حابب اكل برى(خارج البيت) بالهواء الطلق

    اولا: ببحث على اعلانات مطاعم حصرا و ليس
    Kneipe او bar او Kaffee
    لقيتهم هنن A و B فقط
    طيب شو ضل؟
     بدي اكل برى مابدي جوا.
    اعلان A مو كاتب في قعدة برى.
    اعلان B كاتب لما بكون الطقس حلو منعمل قعدة بالحديقة:
    Bei schönem Wetter Gartenbetrieb
    اذا الجواب B حصرا.

    مثال تاني:
    Sie möchten heute nicht selbst kochen, sondern lieber ein warmes Essen kaufen und mit nach Hause nehmen.
    شو المطلوب؟
    1. بدي اكل سخن و ليس ساندويش
    2. بدي اخدو معي عالبيت سفري
    اذا كمان بدي دور على مطعم حصرا و عندو طلبيات سفري
    رجعنا على A او B
    خيار B راح لاول سؤال
    خيار A لازم اتاكد انو مطابق لان في اسئلة مالها اعلان مطابق لذلك بضطر اعملها X.
    و لكن هون كاتب بالاعلان:
    Alle Gerichte auch zum Mitnehmen
    كل الوجبات بتقدر تاخدها سفري عالبيت.
    وجبات مو صندويشات.
     اذا الاعلان A مطابق على السؤال.

    * هون لما بتشوف كمان سؤال على مطعم
    (برجع بكرر مطعم و ليس كافيه او نادي الخ)
     فيك تحطله X فورا لان خلصو اعلانات المطاعم اصلا، استعملناهون A و B.

    يبقى اختصارات مكررة باعلانات الاجارات:

    ZKB = Zimmer, Küche und Bad
    5 ZKB= 5 Zimmer, Küche und Bad
    1ZBB = 1 Zimmer mit Bad und Balkon
    1ZKBB = 1 Zimmer mit Küche, Bad und Balkon
    AB = Altbau
    NB= Neubau
    BLK = Balkon
    WG = Wohngemeinschaft يعني غرفة مشتركة
    Whg. = Wohnung
    Zi = Zimmer
    ZH = Zentrale Heizung
    Et او Etg. = Etage طابق
    DG = Dachgeschoss سطوح
    EG= طابق ارضي
    UG = شقة نص قبو
    Gart. = Garten
    Terr. = Terrasse
    Hat. = Haustier (erlaubt oder nicht) الحيوانات المنزلية و بكون جنبها مسموح او غير مسموح
    Klr. = Keller قبو تخزين

    ملاحظة : بتمنى يكون انفهمت القصة و الامور وضحت و بالتوفيق للجميع.
    طبعا مو شرط تحفظهون حفظ بس المهم لما تقرأهون تفهم شو المعنى.
     و احفظ كمان اسماء المكاتب الرسمية متل مكتب الزواج و مكتب التسجيل و مكتب المفقودات بتلاقيهم بمنهاجك و درس كامل دائما.
    بالنسبة لل Lesen بالفحص.
    بعض الشباب والصبايا تظن أنه يجب أن تكتب نفس مستوى نصوص ال Lesen.
    طبعا لا
     لأن النص يكون اعلى بمستوى عن المرحلة
     يعني B2  تكون نصوصها C1 و ال C1 تكون C2

    المهم الوجع الاساسي و هو
     Sprachbausteine
     كيف أستطيع حلها؟
    القسم الاول يكون عندك فراغات و كل فراغ 3 خيارات.
    خيارك غالبا يكون معتمد على القاعدة و احيانا كتير قليلة عالمعنى.
     عكس الC1 الذي يكون الخيار غالبا معتمد على المعنى فقط.
    كيف يعني؟
     يعني مثلا:
    Die Stunde endete in einem ....1...Chaos.
    الخيارات هنا:
    totales
    totalen
    totalem

    - تصريف أي اسم مذكر أو محايد بعد حرف النكرة أو التعريف يأخذen بالداتيف.
    - هنا عندي einem معناها داتيف مذكر أو محايد
    - اذا الجواب هو totalen.
    مثال تاني:
    Deshalb habe ich im Moment eine mittelgroße Krise und kann .....2... gar nicht mehr vorstellen, Lehrer zu werden.
    الخيارات:
    sich
    mich
    mir
    - طيب شو الضمير بالجملة؟
     الضمير ich اذا لغينا sich.
    - شو الفعل vorstellen شو بياخد الضمير الانعكاسي الخاص فيه؟
    - اذا المعنى يعرف عن نفسه اذا اكوزاتيف mich
    - اما هنا المعنى يتخيل نفسه اذا داتيف mir
    - اذا الجواب هو mir.

    القسم التاني يكون عندك فراغات و خيارات كتير.
     شو لازم تعمل؟
    - اولا حل الفراغات الواضحة و اللي مابدها كتير تفكير مشان تستثني اكبر قدر ممكن من الخيارات.
    - ثانيا شوف تركيب الجملة شو لازم هون يجي؟
     فعل، اسم، صفة، ضمير؟
    - بعدين شوف القاعدة شو لازم تصريف الفعل هون مثلا في haben معناها لازم Partizip 2 ولا في muss معناها لازم Infinitiv مثلا:

    Qualität ....1.... enttäuschend, Preise ziemlich hoch, Werbung grell und nervig – so etwa lautet das Fazit, das die Stiftung Warentest zum Thema Teleshopping nach dem Test von drei großen Anbietern ......2..... .

    هون عندي فراغين و عندي لهم الخيارات التالية:
    ABER c) BEI d) BESCHLOSSf) DEUTLICHE g) EHER h) GENAUSOe) DABEIj) NACHl) ZWAR m) SONDERN n) WENDEN o) ZOGi) HÖHE k) RECHNUNG.

    اوك يبد أنها معقدة؟
     لا ما كتير
    - الفراغ الاول جاي قبل فعل مصرف بال Partizip1 اذا حصرا ظرف Adverbien
    - شكل الظرف اما أن يكون صفة غير مصرفة او ادفيرب نظامي للزمان او المكان الخ.
    - اخدنا كل الصفات و الادفيرب طلعو 4:
    DEUTLICHE، EHER, GENAUSO, ZWAR

    - كلمة deutliche مصرفة الها e بالاخر لذلك  حذفناها
    - كلمة Genauso مابتزبط بتركيب الجملة لذلك حذفتها
    - كلمة zwar ما بتزبط لاني لازم الجملة اللي بعدها بهالتركيب تبدا ب aber اذا حذفتها
    - بضل عندي eher راكبة بشكل جميل و هيه الجواب الصح.

    - الفراغ التاني جاي باخر جملة جانبية Relativsatz اذا حصرا هون بيجي فعل
    - مافي قبلو مباشرة فعل تاني اذا حصرا فعل اساسي و ليس Modalverb
    - عرفت عشو عبدور و جبت الافعال و اللي هنن:
    BESCHLOSS, WENDEN, ZOG
    - طيب شو الزمن؟
     المفروض ماضي لاني حرف الجر nach هون بيعطيني اني شي صار من قبل و معنى الجملة كمان انو ال Test انعمل و خلص.
    لذلك بحذف wenden لانها بالحاضر.
    - ابقى محتار بين beschloss و zog.
    شو في ممكن يساعدني؟
     حرف الجر. شو حرف الجر هون؟
    von
    - اها معناها حصرا zog و اللي هي ماضي ziehen
    لان beschloss ماضي beschließen
     مابتاخد حرف جر von.

    ملاحظة : لذلك بضل بقول اتقان قواعد ال B1
    هي اساس اللغة.
     لانك هون الخيارات مكتوبة كلها باحرف كبيرة مشان تضيع بين الاسم و الفعل.
     مثلا لو مابتعرف انو zog هيه ماضي ziehen ممكن تفكرها شي اسم و تستثنيها.
    في حال طلعوا بالاخر كلمتين زابطات قواعديا 100% بدل كلمة وحدة على فراغ واحد، بدك تعتمد عالمعنى.
     غالبا بكون واضح انها مابتزبط بهالمعنى و فيك اصلا تستثنيها من البداية. اوك؟

    1. الله يعطيكم العافية جميع

      ردحذف
    2. إمتحاني ٦بشهر السابعة ممكن مساعدة اناخايف كتير لو سمحت

      ردحذف
    3. تسلم اخي ماقصرتم

      ردحذف